நீங்கள் தேடியது "தம்பதி கொலை"

திருப்பூர்:

திருப்பூர் அவினாசி பாளையம் நாச்சிபாளையம் நத்தக்காட்டு தோட்டத்தை சேர்ந்தவர் முத்துசாமி (வயது 70). விவசாயி. இவரது மனைவி தெய்வாத்தாள் (65). தோட்டத்து வீட்டில் வசித்து வந்தனர்.

முத்துசாமியும் அவரது மனைவி தெய்வாத்தாளும் 28.12.2 017 - அன்று அவர்களது வீட்டுக்குள் கொலை செய்யப்பட்டு கிடந்தனர். இது குறித்து அவினாசி பாளையம் போலீசார் வழக்குப்பதிவு செய்து விசாரணை நடத்தினர். வீட்டில் இருந்த நகை- பணத்திற்காக கொலை நடந்திருப்பது தெரியவந்தது. நீண்ட நாட்கள் ஆகியும் கொலையாளிகள் குறித்து துப்புக்கிடைக்கவில்லை.

இதனையடுத்து கொலையாளிகளை கண்டு பிடித்து கைது செய்ய திருப்பூர் போலீஸ் சூப்பிரண்டு கயல்விழி உத்தரவிட்டார். இதனையடுத்து 3 தனிப்படை அமைக்கப்பட்டது. தனிப்படை போலீசார் தீவிர விசாரணை நடத்தினர். விசாரணையில் கொலையாளிகள் தூத்துக்குடி மாவட்டத்தை சேர்ந்த சுயம்புலிங்கம், சித்திரைராஜா ஆகியோர் என்பது தெரியவந்தது.

அவர்களை பிடிக்க போலீசார் தூத்துக்குடிக்கு சென்றனர். ஆனால் அவர்கள் அங்கு இல்லை. அங்குள்ளவர்களிடம் நடத்திய விசாரணையில் சுயம்புலிங்கம், சித்திரைராஜா ஆகியோர் ஆந்திர மாநிலம் குண்டூரில் உள்ள ஒரு கல்குவாரியில் வேலை செய்வது தெரியவந்தது.

இதனையடுத்து குண்டூர் சென்ற போலீசார் அவர்களை கைது செய்தனர். கைது செய்யப்பட்ட அவர்களை திருப்பூர் அழைத்து வந்து விசாரணை நடத்தினர். விசாரணையில் தம்பதியை கொலை செய்ததை ஒப்புக்கொண்டனர்.

விசாரணையில் சித்திரை ராஜா கொலையான முத்துசாமி, தெய்வாத்தாள் ஆகியோரது வீட்டருகே தங்கியிருந்தார். அப்போது அவர்களது வீட்டில் நகை மற்றும் பணப்புழக்கம் அதிகம் இருந்ததை தெரிந்து கொண்டார்.

தனியே வசிக்கும் வயதான தம்பதியை கொன்று நகை- பணத்தை கொள்ளையடிக்க முடிவு செய்தார்.

அதன்படி தூத்துக்குடியில் உள்ள அவரது கூட்டாளி சுயம்பு லிங்கத்துக்கு இது குறித்து தெரிவித்து அவரை அவினாசிபாளையம் வரவழைத்தார்.

சம்பவத்தன்று இரவு வீட்டுக்குள் நுழைந்த அவர்கள் முத்துசாமி மற்றும் தெய்வாத்தாளை உருட்டுக்கட்டையால் அடித்துக்கொலை செய்து விட்டு 6 பவுன் நகை, அரை பவுன் மோதிரம் மற்றும் பணத்தை கொள்ளையடித்தனர். பின்னர் எதுவும் தெரியாமல் ஆந்திராவில் உள்ள கல்குவாரியில் வேலைக்கு சேர்ந்தது தெரியவந்தது.

கைதான சுயம்புலிங்கத்திற்கு தூத்துக்குடியில் 2 கொலை வழக்கும், காஞ்சிபுரத்தில் 2 கொலை வழக்கும் உள்ளது தெரியவந்தது. கொள்ளையடிக்கப்பட்ட நகை- பணத்தை போலீசார் பறிமுதல் செய்தனர்.

பின்னர் இருவரையும் கோவை மத்திய சிறையில் அடைத்தனர். கொலையாளிகளை கண்டு பிடித்த தனிப்படை போலீசரை போலீஸ் சூப்பிரண்டு பாராட்டினர்.

திருவண்ணாமலை:

திருவண்ணாமலை மாவட்டம் கலசபாக்கம் கடலாடி குன்னத்தூர் கிராமத்தை சேர்ந்தவர் கண்ணன் (58), விவசாயி. இவரது மனைவி வள்ளியம்மாள் (52). இவர்களது மகன்வெங்கடேசன், மகள் சுகுணா ஆகியோர் திருப்பூரில் வசித்து வருகின்றனர்.

கண்ணனுக்கு குன்னத்தூரில் சொந்தமாக 2 ஏக்கர் நிலம் உள்ளது. இதில் பயிர் செய்ய அவரும், அவரது மனைவியும் நிலத்திலேயே வீடு கட்டி தங்கியிருந்தனர்.

நேற்று முன்தினம் காலை கண்ணனும், வள்ளியம்மாளும் வீட்டின் அருகே உள்ள கிணற்றில் பிணமாக கிடந்தனர். அவர்களை கொன்று மர்ம கும்பல் கிணற்றில் வீசி சென்றனர்.

இந்த இரட்டை கொலை குறித்து கடலாடி போலீசார் வழக்குப்பதிந்து, அடிக்கடி வீட்டுக்கு வந்து செல்லும் பக்கத்து நில விவசாயி பாபு மற்றும் அப்பகுதி மக்கள், உறவினர்கள் என 100-க்கும் மேற்பட்டோரிடம் தீவிர விசாரணை நடத்தி வருகின்றனர்.

மேலும், கொடூர கொலையாளிகளை பிடிக்க ஏ.டி.எஸ்.பி. வனிதா மேற்பார்வையில், டி.எஸ்.பி.க்கள் அண்ணாதுரை, சின்னராஜ், குணசேகரன் ஆகியோரது தலைமையில் 3 தனிப்படை அமைக்கப்பட்டு தேடுதல் வேட்டை முடுக்கிவிடப்பட்டு உள்ளது.

இதுவரை எந்த துப்பும் துலங்கவில்லை. இவர்களுக்கு முன்விரோதியும் இல்லை தம்பதியரின் மகன் வெங்கடேசன் மற்றும் உறவினர்களிடம் வேறு ஏதாவது பிரச்சினை உள்ளதா என்பது குறித்து விசாரித்து வருகின்றனர்.